توقعات الابراج اليوميه مع الفلكيه ماغي فرح ليوم الاحد 17 مارس 2018 في الحب والزواج والعمل وصفات الابراج اجابيا وسلبيات الجميع

توقعات الابراج اليوميه مع الفلكيه ماغي فرح ليوم الاحد 17 مارس 2018 في الحب والزواج والعمل وصفات الابراج اجابيا وسلبيات الجميع

#التوقعات_القادمة 🔮
شاركوها وبتمنى الفايدة للكل ❤

#الحمل ♈

أسبوع بيحملك تحسن تصاعدي .. فترة وبترجع افضل وبتنحل مشاكل بدي تفكر هيك .. لاتزعل على خسارتك وانتبه لوضع عيلتك هاليومين و يمكن تكتشف مع الايام انو بعض الخسارات مكسب .. لاتكون متسرع ولاتعمل شي مهم لان من الشهور الصعبة لكن هانت .. امور عم تصير بحياتك عم تقلبها قلب وبتفقدك الأمل هالشي طبيعي .. حاول تبعد عن القصص المستفزة هالفترة لان بكفي العالم يلي خسرتن .. كون واثق انو بعد هالتعب في شي منيح بس انطر تحسن من الأحد .. الفترة الجاية افضل عندك بس حاول تكون رايق .. ماعم تريحك القصص العاطفية فحاول تدرسا منيح هالفترة ويمكن الصداقات عم تعوضك ..

#الثور ♉

من الأسابيع يلي ممكن تستغلها وتحملك تحقيق لأمنية وعندك دايما نية للخير وصار الوقت حتى يكون قي مقابل .. حاول تكسب صديق وتستفيد من يلي معك لأن رح تتعب لحالك .. انت بحاجة لراحة وتعبت لكن حاول تبتعد عن الاستفزاز .. عم تصير معك مشاكل مو متوقعة او حوادث بهالفترة فحاول تنتبه من هالشي ولا تكون متسرع .. فيك تستغل هالكم يوم لتطور بوضعك للافضل .. في بعض رفقاتك يلي معك عم يدعموك ويساعدوك فلا تتردد بطلب المساعدة .. الوضع مو متحمل مزاجيتك قدر الامكان كون متفهم خاصة مع عيلتك يوم الاحد والاثنين .. انت عم تعاني من حبك وماعم تستقر مشان هيك دور على حب حقيقي ولازم تعرف تختار الشريك صح ..

#الجوزاء ♊

أسبوع مميز لتثبت امكانياتك وتنجح وفترة مهمة بحياتك رغم الضغوط بس عندك القدرة تصل .. لاتتسرع وخليك دقيق لأن في ناس ناطرتك على غلطة .. المشاعر يلي بتملكها كتار بيفهموها غلط مشان هيك هدي .. عم تحس بأنك بحاجة مال هالكم يوم ورح يجيك اطمن .. لاتخاف الشي يلي وصلتلوا بالشغل مابيروح بس بدو وقت ليعود عليك بالفائدة .. حاول تنتبه هالفترة وخاصة من مزاجيتك .. قصص الشراكة بتأثر عليك هي الفترة فلا تكبر الامور وانتظر حلول يوم الأحد والاثنين .. انت عم تفكر بقصة وعندك تحسن بالعاطفة قريبا انتظر هالشي وقصة حب جديدة ممكنة ..

#السرطان ♋

عم تطلع من ضغوط كبيرة باسبوع مميز ومهم وايام قادمة للنجاح ولتثبت حالك بالمجال يلي أنت فيه .. افكار كتير براسك بس بحاجة لتطبيق وعندك بطء احيانا .. لاتعطي الناس اكتر مابتستاهل ولا تخلين يستفزوك .. بدي منك تفكر بايجابية لان يلي جاية افضل بكتير من يلي مرق .. اخبار حلوة وفرص رح تسمعها الفترة الجاية .. لاتترك الامور تتراكم عليك وانتبه لوضعك المالي كمان .. لاتفكر لما يصير معك تغيير لان بكون ايجابي لقدام .. الحب عندك بدو استقرار والشريك ناطر منك خبر او كلمة وفي عاطفة مميزة واخبار حلوة ناطرتك ..

#الأسد ♌

بداية اسبوع صعبة لكن من الاثنين كل شي بيتغير .. بعرف انو مو مرتاح لشي وتعبت من فترة بعيدة لكن خلصت .. كل شي كان متعب ممكن تكتشف انو نهاية وجع لكن اصبر .. تعامل مع الأشخاص بالتجاهل لان رح تتعب حالك بالرد .. انت ماعم ترتاح ووضعك كل مالو لاسوأ طبعا انت هيك بتفكر .. الحقيقة انو وضعك رح يتحسن وقريبا والشهور الاصعب مرت .. انتظر يوم الاثنين لتحصل على اخبار حلوة وحل لمشكلة عندك .. طلع من راسك الأفكار السودا ولاتعمل مشاكل بس وانتظر اوقات حلوة.. حاول تكون رومنسي مع الشريك ولا تكبر الامور وفي فرصة لمصالحات ولحب جديد للأعذب ..

#العذراء ♍

أسبوع متقلب لكن رح ياخدك لفترة راحة .. بدي منك ماتكبر الأمور ولاترد على الناس السخيفة .. الحالة يلي انت فيها عم تحطك تحت ضغوط كبيرة واحساس بالعجز .. لاتفكر باشخاص كل مرة بتعطين وكل مرة بيخذلوك .. حاول تطلع من حالتك وفرص حلوة ناطرتك رغم التوتر الكبير يلي عم تعيشو ..استغل ايامك لتغير وضعك وماتضل ثابت بمكانك .. اذا بدك ترتبط وتستقر الفرصة ملائمة لكن ادرس العلاقة صح ..لاتكون عصبي وتحمل قد مافيك حتى ماتزيد عليك القصص ومن يوم الأربعاء بتتغير كل أوضاعك للأفضل .. مابعرف اذا في حب بحياتك وانت مابتعرف حتى لهيك ركز وفكر باستقرار واذا مرتبط انتبه لعلاقتك ..

#الميزان ♎

أسبوع مهم لانجازات وبدايات عندك .. انت قوي وصلب وكل شي صعب رح يمر تدريجيا .. تعامل مع الوضع بالامبالاة لان اذا بدك تضل هيك بتتعب كتير .. بعرف في اشيا ماعم تريحك لكن فكرتك بتغيير كل شي بتزيد تعبك .. انت بدك تكون منتبه بهيك اوقات وماتخلي شي يفوتك كمان صحتك بحاجة لمراقبة .. حاول تكون سريع بشغلك وبنفس الوقت ذكي لأن العيون عليك .. ممكن مشكلة مع شخص او مع حدا بشغلك تضرك فانتبه ..حاول تنتبه لامورك المال وتساهم بتطور شغلك اذا استلمت شغل جديد .. اطلب مساعدة اذا احتجتا ببحر الأسبوع .. خليك رومنسي وافتح قلبك لتعيش حبك بدون مشاكل وفرصة خطبة قادمة عندك ..

#العقرب ♏

أسبوع مهم وداعم بكل شي فيه .. الفرص والحظوظ قادمة فخليك جاهز لتستغل هالشي .. بدي منك تفكر بايجابية وحاج تعب لأن في تغيير وتحسن قادم عندك .. اكتر الناس يلي تعبتك هنن عيلتك وبلشت تنحل الامور .. وضعك كان تعبان كتير بس الامور عم تتغير لاتخاف وكل شي رح يكون تمام .. اعتمد عالبدايات الجديدة اكتر من انك تنطر الماضي ..كل شي منيح وعندك حظ قادم المهم تفائل ..كون واثق من قدرتك على تغيير الأمور لصالحك باي وقت .. لاتكون استفزازي بعلاقتك وتحمل الشريك شوي حتى تستمرو وفي حب رح يكون للاعذب واوقات حلوة ..

#القوس ♐

أسبوع الحلول والنجاح والتغيير .. كتير كنت قلق بخصوص وضعك بس هانت وشوية وقت وبيستقر وضعك .. قصص البيت ماعم تخلص وحالة هيستيريا عم تعملك .. لا تحمل كل شي بمخك لان مو ناقصك بكفيك همك .. مو مرتاح كتير تعبان وهالشي عم يأثر عليك كتير ..من بكرا بترجع لعافيتك بس اصبر شوي ..لاتحاول تفوت بقصص جديدة هي الفترة لان مو الوقت المناسب .. فترة وبصير كل شي بكون منيح بس هديلي حالك .. من الأحد بتبلش تحس بالراحة والطاقة .. انت ضايع والحب عم يتعبك مشان هيك لازم تعرف وين المشكلة بعلاقتك ..

#الجدي ♑

أسبوع لتعزز العلاقات وخاصة من يوم الثلاثاء .. عندك سحر بالحوار وقادر تصل ومقنع لهيك حاول ولاتوقف .. لكن من الضروري انك تكون بعيد عن الناس يلي بتزعجك .. التفكير بسلبية من اكتر الاشيا يلي بتتعبك مشان هيك عود حالك تفكر بايجابية.. لاتعمل شي اذا ماكنت متأكد منو وعد للعشرة قبل ماتعملو ... عندك تعب بس رح ترتاح من يوم الاثنين مشان هيك لاتخاطر بشي .. امورك المالية رح تكون بحال افضل فلا تخاف .. انتبه من خسارة الاصدقاء هي الفترة ولاتكون قاسي بردة فعلك ..خليك رومنسي وحاول لاتصعد المشاكل بعلاقتك وفي تحسن بعلاقتك مع الشريك ..

#الدلو ♒

أسبوع لشغل ومسؤوليات واثبات نفسك .. عم ترتاح وتحس بشوية أمل وتفاؤلك الكبير حل لكل مشكلة .. رتب اولوياتك لتعرف شو لازم تعمل وكل شي رح يكون منيح .. الشهر ايجابي وعلى كل الاصعدة فكون مرتاح وحاول تلاقي حلول لمشاكلك .. انت بحاجة لتغيير بوضع الشغل عندك تحرك .. اي خطأ عم يأثر على وضعك فحاول تكون دقيق وبعيد عن التسرع .. كتير عم تصرف هي الفترة فحاول تضب ايدك حتى ماتوقع بمشكلة .. لاتكبر المشاكل الصغيرة عندك وهالفترة عندك انفراجة ..لاتكون حساس زيادة وتحمل شوي حتى ماتخسر علاقتك ويلي بعد عنك مابيستاهل حبك..

#الحوت ♓

من الأسابيع المميزة لتحصل على التغيير الايجابي .. ناطرتك أخبار حلوة من بكرا وانت قد المسؤولية فلا تتوقف أبدا .. أنت أمام خطوات مهمة مهنيا فخليك مع التغيير يوم الأحد والاثنين .. لازم تفكر باشيا جديدة تحسن وضعك وتخلص من ماضيك بين الأربعا والخميس .. بالمجمل عم تطلع من تعب كبير وعم تحل مشاكلك بس تفائل .. لاتحاول تزعج حالك وكون رايق وخاصة بالشغل .. امورك رح تكون الأفضل فلا تخاف وعندك حضور وطاقة لكل شي .. لاتحاول تستفز الشريك وتفاهمو قدر الأمكان بهدوء وانت ساحر وحليان بهي الفترة وبكرا في أخبار حلوة عندك